Jun 23, 2011

Эртний солонгос шүлэг

Пак Ин Ро 

Эцгийн тухай бодлоороо би уртын урт дээс томоё
Энгүй тэр бугуйлаараа холын холоос нарыг барья
Эргэх мөчийг аргамжиж буурлын буурал таньдаа туслая

Мишигийн Цэдэндорж монголчлов

Jun 21, 2011

Гацав

Сайхан тунгалаг шөнөөр
Сигар зуусан шиг...
Scotch тамшаалсан шиг ...
Сар уруу нулимсан шиг ...

Орцны дуутай шөнөөр
Уруул амаа шилэмдсэн шиг ...
Улиас мод уруу авирсан шиг ...
Унаж тэндээсээ гэмтсэн шиг ...

Мөстэй кола шиг шөнөөр
Мөөгтэй пирожки хазсан шиг ...
Шилэн диско мөрөөдсөн шиг ...
Шалдан Венера төсөөлсөн шиг ...

Орцны лифтэнд
Охин Joy-той гацчихав аа хөөрхий